ദക്ഷിണ ചൈനയില് അഞ്ചു ദിവസമായി തുടരുന്ന പേമാരിയില് മരണം 26 ആയി. മൂന്നു പേരെ കാണാതായി. ഫ്യുജിയാന്, ഹുനാന്, ജിയാങ്സി, തുടങ്ങി അഞ്ചു പ്രവിശ്യകളില് വന് നാശം സംഭവിച്ചു.
മഴയെ തുടര്ന്നുണ്ടായ മണ്ണിടിച്ചിലിലും വെള്ളപ്പൊക്കത്തിലും 8,700 വീടുകള് തകര്ന്നു. 77,000 വീടുകള്ക്ക് കേടുപാടുപറ്റി. 42,000 ഹെക്ടര് സ്ഥലത്തെ കൃഷി നശിച്ചതായും പൊതുഭരണ മന്ത്രി കാര്യാലയത്തെ ഉദ്ധരിച്ച് പ്രാദേശിക മാധ്യമമായ ഷിന്ഹ്വ റിപ്പോര്ട്ട് ചെയ്തു.
