ഇന്ത്യയടക്കം പല രാജ്യങ്ങളില്‍ ഇപ്പോഴും 5ജി സാങ്കേതികവിദ്യ തന്നെ പൂര്‍ണമായി ലഭ്യമായിട്ടില്ല. ഇതിനിടെയാണ് ചൈനയിലെ ഷിയോങ് ജില്ലയില്‍ ചൈന പരീക്ഷണാര്‍ഥം 10ജി നെറ്റ്വര്‍ക്ക് ആരംഭിച്ചത്. ചൈനീസ് ടെലികോം കമ്പനിയായ വാവേയും ചൈന യൂണികോമും ചേര്‍ന്നാണ് സാങ്കേതിക വിദ്യ ഒരുക്കിയത്. ഫൈബര്‍ ഒപ്റ്റിക് ടെക്‌നോളജിയിലെ പിതിയ സാങ്കേതിക വിദ്യ ഉപയോഗിച്ചാണ് ഇത് സാധിക്കുന്നത്. സിനിമ ഡൗണ്‍ലോഡിനേക്കാള്‍ വെര്‍ച്വല്‍ റിയാലിറ്റി, ഓഗ്മെന്റഡ് റിയാലിറ്റി, ക്ലൗഡ് ഗെയിമിങ്ങ്, സ്മാര്‍ട്ട് സിറ്റികള്‍, ഡ്രൈവറില്ലാ കാറുകള്‍ എന്നിവ ലക്ഷ്യമിട്ടാണ് ചൈന 10ജി ഒരുക്കിയിട്ടുള്ളത്.
