യമനിലെ വ്യോമാക്രമണം സൌദി സഖ്യസേന അവസാനിപ്പിച്ചു. എന്നാല്‍, സൈനികദൌത്യം പൂര്‍ണമായും നിര്‍ത്തില്ല. കഴിഞ്ഞ 27 ദിവസത്തെ വ്യോമാക്രമണമാണ് സൌദി അവസാനിപ്പിച്ചത്. ചൊവ്വാഴ്ച രാത്രിയാണ് ഇതു സംബന്ധിച്ച് പ്രഖ്യാപനം നടത്തിയത്.
യമനിലെ ഹൂതി വിമതര്‍ക്കെതിരെ സൌദി അറേബ്യയുടെ നേതൃത്വത്തില്‍ ‘ഓപ്പറേഷന്‍ ഡിസിസീവ് സ്റ്റോം’ എന്ന പേരിലായിരുന്നു വ്യോമാക്രമണം തുടര്‍ന്നു വന്നിരുന്നത്. വിമതരുടെ കൈവശമുണ്ടായിരുന്ന മിസൈലുകള്‍ നശിപ്പിക്കാന്‍ കഴിഞ്ഞതായി സൗദിസേനയുടെ വക്താവ് ബ്രിഗേഡിയര്‍ ജനറല്‍ അഹമ്മദ് അല്‍ അസ്സിരി വാര്‍ത്താസമ്മേളനത്തില്‍ പറഞ്ഞു.
