നേപ്പാളില്‍ ഭൂകമ്പത്തില്‍ മരിച്ചവരുടെ എണ്ണം 10, 000ത്തോളം എത്തുമെന്ന്. നേപ്പാള്‍ പ്രധാനമന്ത്രി സുശീല്‍ കൊയ്‌രാള അറിയിച്ചതാണ് ഇക്കാര്യം. ഇതിനിടെ പാകിസ്ഥാനില്‍ ഇന്ന് ഭൂചലനം ഉണ്ടായി. റിക്‌ടര്‍ സ്കെയിലില്‍ 5. 5 രേഖപ്പെടുത്തിയ ഭൂചലനത്തില്‍ ആളപായം ഒന്നും റിപ്പോര്‍ട്ട് ചെയ്തിട്ടില്ല.
നേപ്പാളിന് വളരെ വെല്ലുവിളി നിറഞ്ഞതും ബുദ്ധിമുട്ടേറിയതുമായ സമയമാണ് ഇപ്പോഴെന്ന് പ്രധാനമന്ത്രി സുശീല്‍ കൊയ്‌രാള പറഞ്ഞു. പരുക്കേറ്റവര്‍, പ്രായമായവര്‍, കുട്ടികള്‍, സ്ത്രീകള്‍ എന്നിവരുടെ കാര്യത്തിനായിരിക്കും മുന്‍ഗണന നല്കുകയെന്നും സുശീല്‍ കൊയ്‌രാള പറഞ്ഞു.
