ബ്രിട്ടീഷ്‌ രാജകുമാരന്‍ വില്യമിനെപ്പറ്റി ചരിത്രപരമായ ഒരു കണ്ടുപിടുത്തം നടത്തിയിരിക്കുകയാണ് ജനിതക ശാസ്ത്ര വിദഗ്ദര്‍. ഇന്ത്യന്‍ വംശപരമ്പരയില്‍പ്പെട്ട ആളാണ് വില്യം രാജകുമാരനെന്നാണ് ഡിഎന്‍എ ഫലം. ഡയാന രാജകുമാരിയുടെ പൂര്‍വികര്‍ വഴിയാണു വില്യം രാജകുമാരന്റെ ഇന്ത്യന്‍ ബന്ധം.
വില്യമിന്റെ ബന്ധുക്കളുടെ ഉമിനീര്‍ സാമ്പിളുകള്‍ പരിശോധിച്ചതില്‍നിന്നാണു എഡിന്‍ബര്‍ഗ്‌ സര്‍വകലാശാലയിലെ ജനിതകശാസ്‌ത്ര വിദഗ്‌ധനായ ജിം വില്‍സണിന്റെ നേതൃത്വത്തിലുള്ള വിദഗ്‌ധസംഘം ഈ കണ്ടെത്തല്‍ നടത്തിയത്‌. അത്യപൂര്‍വങ്ങളില്‍ അത്യപൂര്‍വമായ എംടി ഡിഎന്‍എ അമ്മ വഴിയാണു പിന്‍തലമുറയ്‌ക്കു കിട്ടുന്നത്‌.
