റിപ്പബ്ലിക്കന്‍ സ്ഥാനാര്‍ത്ഥി ഡൊണാള്‍ഡ് ട്രംപിന് പിന്തുണയറിച്ച് അമേരിക്കയിലെ ഒരു സംഘം ഹിന്ദുക്കള്‍ രംഗത്ത്. ട്രംപിന് വേണ്ടി ഇവര്‍ തയ്യാറാക്കിയ പോസ്റ്ററില്‍ അമേരിക്കന്‍ പതാകയുടെ നിറങ്ങളിലുള്ള താമരയ്ക്ക് സമാനമായ പുഷ്പത്തില്‍ ധ്യാനിച്ചിരിക്കുന്ന ട്രംപിനെയാണ് ചിത്രീകരിച്ചിരിക്കുന്നത്. ഒപ്പം അമേരിക്കന്‍ പതാക പതിച്ചിരിക്കുന്ന ‘ ഓം’ ചിഹ്നവും ഉണ്ട്.
ജനുവരിയിലാണ് ഒരു സംഘം ഇന്ത്യന്‍ അമേരിക്കക്കാര്‍ ട്രംപിന് പിന്തുണ നല്‍കിക്കൊണ്ട് രാഷ്ട്രീയ പ്രവര്‍ത്തന കമ്മറ്റി രൂപീകരിച്ചത്. ‘ ഇന്ത്യന്‍ അമേരിക്കന്‍ ഫോര്‍ട്രംപ് 2016’ എന്ന പേരില്‍ ഈ കമ്മറ്റി ഫെഡറല്‍ ഇലക്ഷന്‍ കമ്മീഷനില്‍ രജിസ്റ്റര്‍ ചെയ്യുകയും ചെയ്തു. ട്രംപിന് പിന്തുണ നേടുന്നതിനും ഫണ്ട് രൂപീകരിക്കുകയുമാണ് ഇവരുടെ പ്രധാന ലക്ഷ്യം.
