മലമ്പുഴ കേരളത്തിന്റെ വൃന്ദാവനമെന്നാണ് അറിയപ്പെടുന്നത്. പ്രകൃതിയുമായി ഏറ്റവും കൂടുതല്‍ സമരസപ്പെട്ട ഒരു സ്ഥലമാണ് മലമ്പുഴ ഗാര്‍ഡന്‍സ് എന്ന് പറയുന്നതില്‍ തെല്ലും അതിശയോക്തി ഉണ്ടാവില്ല. മാമലകള്‍ അതിരു കാക്കുന്ന ഇവിടം തെളിനീരൊഴുകുന്ന അരുവികളാലും പൂക്കളാലും ചെടികളാലും അതി മനോഹരമാണ്. മലമ്പുഴ ഗാര്‍ഡന്‍റെ രാത്രി കാഴ്ച ദീപാലങ്കാരങ്ങളാല്‍ അതി വിശിഷ്ടമാണ്.
അക്വേറിയം, സ്നേക്ക് പാര്‍ക്ക്
മലമ്പുഴയിലെ അക്വേറിയവും സ്നേക്ക് പാര്‍ക്കും സഞ്ചാരികളെ ആകര്‍ഷിക്കുന്നു. മത്സ്യത്തിന്‍റെ ആകൃതിയിലാണ് അക്വേറിയം നിര്‍മ്മിച്ചിരിക്കുന്നത്. ഇതിനോട് ചേര്‍ന്നാണ് കുട്ടികളുടെ പാര്‍ക്ക്.
