മഴക്കാലം ആരംഭിക്കുന്നതൊടെ പകര്‍ച്ചരോഗങ്ങളും ബാധിക്കുക പതിവാണ്. മഴ മൂലം വരുന്ന പനി,ചുമ,ജലദോഷം എന്നിവ മാറ്റി നിര്‍ത്തിയാല്‍ കൊതുകുകള്‍ പടര്‍ത്തുന്ന വിവിധ തരം രോഗങ്ങള്‍ മഴക്കാലത്ത് വ്യാപകമാകാറുണ്ട്. അതുപോലെ തന്നെ വെള്ളത്തില്‍ നിന്നും മറ്റുമായി വേറെയും രോഗങ്ങള്‍ ഈ കാലയളവില്‍ ഉണ്ടാകാം. ഇതില്‍ കൊതുകുകള്‍ പടര്‍ത്തുന്ന രോഗങ്ങളെ ഒരു പരിധി വരെ നമുക്ക് ഒഴിവാക്കാവുന്നതാാണ്.
ഡെങ്കിപ്പനി,ചിക്കന്‍ ഗുനിയ,ജപ്പാന്‍ ജ്വരം എന്നിവയാണ് കൊതുകുകള്‍ പടര്‍ത്തുന്ന പ്രധാനരോഗങ്ങള്‍. പനി,ശരീരവേദന,വിശപ്പില്ലായ്മ,രുചിയില്ലായ്മ എന്നിവയെല്ലാമാണ് ഈ രോഗങ്ങളുടെയെല്ലാം പ്രധാനലക്ഷണങ്ങള്‍
ചിക്കന്‍ഗുനിയ: മുള ഒടിഞ്ഞിരിക്കുന്ന പോലെ, കാലിലെയും കയ്യിലെയും ജോയിനുകള്‍ ദൃഡമാകുന്നത് വഴി നടക്കാന്‍ സാധിക്കില്ല. ശരീരവേദന, അസ്ഥികളില്‍ വേദന
ജപ്പാന്‍ ജ്വരം: തലച്ചോറുമായി ബന്ധപ്പെട്ടവ, സ്ഥലകാലബോധം നഷ്ടമാവുക, ഓര്‍മക്കുറവ്,എപ്പിലെപ്‌സി
കൊതുക് പടര്‍ത്തുന്ന രോഗങ്ങള്‍ വരാതിരിക്കാനായി ചുറ്റുവട്ടത്ത് വെള്ളം കെട്ടിനില്‍ക്കുന്ന സാഹചര്യം ഒഴിവാക്കാം.കിണറുകള്‍ ബ്ലീച്ച് ചെയ്യാം. കൊതുക് നശീകരണത്തിനായി ഗപ്പി പോലുള്ള മത്സ്യങ്ങളെ ഉപയോഗിക്കാം. ഇവ നല്ലൊരു പ്രതിരോധ മാര്‍ഗമാണ്. കൂടാതെ കൊതുകുവലകള്‍ കൊതുകുനശീകരണത്തിനുള്ള മറ്റ് മാര്‍ഗങ്ങളും ഉപയോഗിക്കാം.
