പല്ലു തേക്കുന്നതിന് മുമ്പ് തന്നെ വെള്ളം കുടിക്കുന്നത് ആരോഗ്യത്തിന് ഏറേ ഹാനികരമാണ് എന്നായിരുന്നു ഇതുവരെ ഉള്ള ധാരണ. എന്നാല്‍ ഇത് ശരിയല്ലെന്നാണ് പുതിയ പഠനം പറയുന്നത്. ഉറക്കമുണര്‍ന്ന് പല്ലു തേക്കുന്നതിന് മുമ്പ് വെറും വയറ്റിലുള്ള വെള്ളം കുടി നിരവധിയായ ആരോഗ്യപ്രശ്‌നങ്ങള്‍ക്ക് പരിഹാരമാണെന്ന് ഡോക്ടര്‍മാര്‍ പറയുന്നു.
പല്ലു തേക്കാതിരിക്കുമ്പോള്‍ രാത്രിയില്‍ വായില്‍ ഉത്പാദിക്കപ്പെടുന്ന ചില ആല്‍ക്കലൈന്‍ മിനറല്‍സ് വയറ്റില്‍ ചെന്നാല്‍ മാത്രമേ ഈ ഒറ്റമൂലി പ്രാവര്‍ത്തികമാവൂ. തിളപ്പിച്ചാറ്റിയ വെള്ളം കുടിക്കുന്നതാണ് നല്ലതെന്നും ഡോക്ടര്‍മാര്‍ പറയുന്നു. എന്നാല്‍ രാവിലെ വെള്ളം കുടിച്ചു കഴിഞ്ഞ് ഏകദേശം അരമണിക്കൂറിനു ശേഷമേ ഭക്ഷണം കഴിച്ച് തുടങ്ങാവൂ.
