മുലക്കണ്ണില്‍ നീര്, സ്തനത്തില്‍ നിറവ്യത്യാസം; സ്തനാര്‍ബുദ ലക്ഷണങ്ങള്‍ അറിഞ്ഞിരിക്കാം, സ്ത്രീകള്‍ ശ്രദ്ധിക്കുക
സ്തനാര്‍ബുദം തുടക്കത്തില്‍ തന്നെ കണ്ടുപിടിച്ചില്ലെങ്കില്‍ രോഗം രൂക്ഷമാകാനും മറ്റ് ശരീരഭാഗങ്ങളെ കൂടി ബാധിക്കാനും സാധ്യത കൂടുതലാണ്. അര്‍ബുദം തലച്ചോറിലേക്ക് വ്യാപിച്ചാല്‍ തലവേദന, ഛര്‍ദി എന്നിവയെല്ലാം ഉണ്ടാകും. ശ്വാസകോശത്തിലേക്ക് ബാധിക്കുകയാണെങ്കില്‍ ശ്വാസംമുട്ടല്‍, എല്ലിലേക്ക് വ്യാപിക്കുകയാണെങ്കില്‍ നടുവേദന, എല്ല് പൊട്ടുക, വയറിന് വീക്കം എന്നിവയെല്ലാം ഉണ്ടാകുന്നു.
സ്തനത്തില്‍ മുഴ, തടിപ്പ്, കക്ഷത്തില്‍ മുഴ, സ്തനത്തിന്റെ തൊലിയില്‍ നിറ വ്യത്യാസം, മുലക്കണ്ണില്‍ നീര് വന്നുമുട്ടുക, വേദന, വ്രണങ്ങള്‍, സ്തനത്തില്‍ വേദനയില്ലാത്ത മുറിവുകള്‍ എന്നിവയെല്ലാം സ്തനാര്‍ബുദത്തിന്റെ ലക്ഷണങ്ങളാകാം. ഇത്തരം ലക്ഷണങ്ങള്‍ കണ്ടാല്‍ ഉടന്‍ വൈദ്യസഹായം തേടണം.
