കാരണമൊന്നുമില്ലാതെ നിങ്ങളുടെ ശരീരഭാരം പെട്ടെന്ന് കുറയുന്നുവെങ്കില്‍ അടിയന്തിരമായി പരിശോധന നടത്തേണ്ടതാണെന്ന് വിദഗ്ദ്ധര്‍. പെട്ടെന്നു ശരീരഭാരം കുറയുന്നത് ചില അര്‍ബുദങ്ങള്‍ വരാനുള്ള സാധ്യത കൂട്ടുമെന്ന് ഓക്‌സ്ഫര്‍ഡ്, എക്‌സീറ്റര്‍ സര്‍വകലാശാലകളിലെ ഗവേഷകര്‍ നടത്തിയ പഠനത്തില്‍ വ്യക്തമായതായി ബ്രിട്ടീഷ് ജേണല്‍ ഓഫ് ജനറല്‍ പ്രാക്ടീസില്‍ പ്രസിദ്ധീകരിച്ച റിപ്പോര്‍ട്ടില്‍ പറയുന്നു.
പെട്ടെന്ന് ശരീരഭാരം കുറയുന്നത് വന്‍കുടലിലെയും മലാശയത്തിലെയും അര്‍ബുദ പാന്‍ക്രിയാറ്റിക് കാന്‍സര്‍, റീനല്‍ കാന്‍സര്‍ ഇവയ്ക്കുള്ള കാരണങ്ങളില്‍ രണ്ടാമത്തേത് ആണെന്ന് പഠനത്തില്‍ കണ്ടെത്തി. 11.5 ദശലക്ഷം രോഗികളില്‍ നടത്തിയ 25 പഠനങ്ങളാണ് ഇവര്‍ പരിശോധിച്ചത്.
