പട്ടിണി കിടന്ന് മെലിയാമെന്ന് കരുതുന്നത് മണ്ടത്തരമാണ്. അത് ആരോഗ്യം ക്ഷയിപ്പിക്കുന്ന പരുപാടി ആണ്. തടി കുറയ്ക്കാൻ ആലോചിക്കുന്നവർ ബോളിവുഡ് നടി വിദ്യാ ബാലനെ റോൾ മോഡൽ ആക്കുന്നത് നന്നായിരിക്കും. വിദ്യ ഇതിനോടകം തന്നെ പലർക്കും പ്രചോദനമായി കഴിഞ്ഞു. മെലിഞ്ഞും തടിച്ചും പലപ്പോഴും പ്രിയ നായിക വിദ്യാബാലന്‍ ആരാധകരെ ഞെട്ടിക്കാറുണ്ട്.
ആഴ്ചയില്‍ നാലോ അഞ്ചോ ദിവസം ജിമ്മില്‍ പോകും. കാര്‍ഡിയോ എക്‌സര്‍സൈസ് സമയം കിട്ടുന്നതിനനുസരിച്ച് ചെയ്തു. വീട്ടില്‍ ജിം ഇല്ലെങ്കിലും ചെറു വ്യായാമങ്ങള്‍ വീട്ടിലും ചെയ്യാറുണ്ട്. മുടക്കമില്ലാതെ നിത്യവും എട്ട് മണിക്കൂര്‍ താന്‍ ഉറങ്ങാറുണ്ടെന്നും താരം വ്യക്തമാക്കുന്നു. കൂടുതല്‍ പ്രോട്ടീനും കാര്‍ബോ ഹൈഡ്രേറ്റും അടങ്ങിയ ഭക്ഷണക്രമമാണ് തന്റേതെന്നും വിദ്യ വ്യക്തമാക്കുന്നു.
ഏതെങ്കിലും ഒരു ഭക്ഷണം കഴിക്കുമ്പോൾ കൂടെ മറ്റൊന്ന് ഉൾപ്പെടുത്തുന്ന രീതി പൂർണമായും ഉപേക്ഷിച്ചു. മൈദ ചേര്‍ത്ത ആഹാരങ്ങള്‍ ഒഴിവാക്കി. ദിവസം ഒരു തവണയെങ്കിലും പച്ചക്കറി ജ്യൂസ് നിര്‍ബന്ധമാണ്. പഴങ്ങള്‍ ചവച്ച് കഴിക്കാനാണ് ഇഷ്ടം. ഒപ്പം ദിവസവും രണ്ട് മുട്ടയുടെ വെള്ള മാത്രം പുഴുങ്ങി കഴിച്ചു. ദിവസവും രണ്ട് വെള്ളക്കരു വീതം കഴിച്ചാല്‍ ഒരാള്‍ക്ക് ആവശ്യമുള്ള പ്രോട്ടീന്‍ അതില്‍നിന്ന് ലഭിക്കും. ഏതായാലും ഈ രീതി പിന്തുടർന്നതോടെ വിദ്യ കുറച്ചത് 15 കിലോ ആണ്. ഏതായാലും നിങ്ങൾക്കും പരീക്ഷിക്കാവുന്നതാണ്.
