വൈറ്റ് ബ്രെഡും അനുബന്ധ ഭക്ഷണങ്ങളും കഴിക്കുന്നത് കുടല്‍ കാന്‍സര്‍ വര്‍ധിക്കുന്നതിന് കാരണമായതായി പഠനം. ഇത് വന്‍കുടല്‍ കാന്‍സര്‍ രോഗികളുടെ മരണ സാധ്യത വര്‍ദ്ധിപ്പിക്കുമെന്ന് ഗവേഷകര്‍ പറയുന്നു. മൂന്നാം ഘട്ട കോളന്‍ കാന്‍സര്‍ ബാധിച്ച 1,600-ലധികം രോഗികളില്‍ നടത്തിയ ഒരു പഠനത്തിലാണ് ഇക്കാര്യം തെളിഞ്ഞത്.
ഫ്രഞ്ച് ഫ്രൈസ്, ഹോട്ട് ഡോഗുകള്‍, സോഡ എന്നിവയുള്‍പ്പെടെയുള്ള ഭക്ഷണങ്ങള്‍ ഏറ്റവും കൂടുതല്‍ കഴിച്ചവരില്‍ വീക്കം അഥവാ ഇന്‍ഫ്‌ളമേഷന്‍ കണ്ടെത്തി. യുഎസില്‍ ഓരോ വര്‍ഷവും ഏകദേശം 150,000 ആളുകള്‍ക്ക് വന്‍കുടല്‍ കാന്‍സര്‍ ഉണ്ടെന്ന് കണ്ടെത്തുന്നു. യുഎസിലെ പുരുഷന്മാര്‍ക്കും സ്ത്രീകള്‍ക്കും ഇടയില്‍ കാന്‍സര്‍ മരണങ്ങളില്‍ ഏറ്റവും സാധാരണമായ രണ്ടാമത്തെ കാരണമാണിത്, ഈ വര്‍ഷം ഏകദേശം 52,900 മരണങ്ങള്‍ക്ക് കാരണം കാന്‍സറാകുമെന്നാണ് കരുതുന്നത്.
മൂന്നാം ഘട്ട കോളന്‍ കാന്‍സര്‍ ബാധിച്ച രോഗികളുടെ ശരാശരി അതിജീവന നിരക്ക് അഞ്ച് വര്‍ഷമാണ്. 25 മുതല്‍ 35 ശതമാനം വരെ രോഗികള്‍ക്ക് ആ സമയത്ത് കാന്‍സര്‍ വീണ്ടും ഉണ്ടാകാറുണ്ട്. മെറ്റാസ്റ്റാറ്റിക് കോളന്‍ കാന്‍സര്‍ ബാധിച്ചവരും 50 വയസ്സിന് താഴെയുള്ള ചെറുപ്പത്തില്‍ രോഗനിര്‍ണയം നടത്തിയവരും ഭക്ഷണക്രമവും ജീവിതശൈലിയും വന്‍കുടല്‍ കാന്‍സര്‍ ഫലങ്ങളില്‍ ചെലുത്തുന്ന സ്വാധീനത്തെക്കുറിച്ച് കൂടുതല്‍ വിശദമായ പഠനങ്ങള്‍ നടത്താന്‍ പദ്ധതിയിട്ടിട്ടുണ്ടെന്ന് ഗവേഷകര്‍ പറയുന്നു.
