Health Benefits of Beer: മദ്യപാനം പൊതുവെ ആരോഗ്യത്തിനു ദോഷം ചെയ്യുമെന്നാണ് നാം കേട്ടിട്ടുള്ളത്. എന്നാല്‍ മിതമായ രീതിയില്‍ ബിയര്‍ കുടിക്കുന്നത് ആരോഗ്യത്തിനു നല്ലതാണത്രേ ! ഞെട്ടിയോ? സംഗതി സത്യമാണ്. ഓഗസ്റ്റ് മാസത്തിലെ ആദ്യ വെള്ളി അന്താരാഷ്ട്ര ബിയര്‍ ദിനമായാണ് ആഘോഷിക്കുന്നത്. ഈ വര്‍ഷം ഓഗസ്റ്റ് അഞ്ച് വെള്ളിയാഴ്ചയാണ് (ഇന്ന്) അന്താരാഷ്ട്ര ബിയര്‍ ദിനം. മിതമായി ബിയര്‍ കുടിക്കുന്നത് ആരോഗ്യത്തിനു ഏതെല്ലാം തരത്തില്‍ ഗുണം ചെയ്യുമെന്ന് നമുക്ക് നോക്കാം.
ഒരു ദിവസം 2 പിന്റ് അളവില്‍ ബിയര്‍ കുടിക്കുന്നത് ഹൃദയസംബന്ധമായ രോഗങ്ങളെ ചെറുക്കാന്‍ സഹായിക്കുമെന്ന് പഠനങ്ങളുണ്ട്. ഹാര്‍ട്ട് അറ്റാക്ക് പോലുള്ള മാരക പ്രശ്‌നങ്ങളെ ചെറുക്കാന്‍ ബിയറിന് സാധിക്കുമെന്നാണ് പഠനം. ലോ-ഷുഗര്‍ ബിയര്‍ കുടിക്കുന്നത് പ്രമേഹത്തെ ചെറുക്കാന്‍ സഹായിക്കുമെന്നും പഠനങ്ങളില്‍ പറയുന്നു. മനുഷ്യ ശരീരത്തിലെ എല്ലിന്റെ കരുത്ത് കൂട്ടാനും ബിയര്‍ ഒരു പരിധി വരെ സഹായിക്കുന്നു.
