ഈ സീസണിലെ ഏറ്റവും വാശിയേറിയ ഐഎസ്എൽ പോരാട്ടം കേരളാ ബ്ലാസ്റ്റേഴ്‌സും എടികെ മോഹൻ ബഗാനും തമ്മിലായിരുന്നു. തീ പാറിയ പോരാട്ടത്തിനൊടുവിൽ മുൻ ബ്ലാസ്റ്റേഴ്സ് നായകനും നിലവിൽ എടികെ കളിക്കാരനുമായ സന്ദേശ് ജി‌ങ്കാൻ നടത്തിയ പ്രസ്‌താവന വൻ വിവാദമായിരുന്നു. ഇപ്പോളിതാ അടുത്ത സീസണിൽ കൊച്ചിയിൽ എ‌റ്റികെ മോഹൻ ബഗാനെ കയ്യിൽ കിട്ടണമെന്ന് വെല്ലുവിളി നടത്തിയിരിക്കുകയാണ് ബ്ലാസ്റ്റേഴ്സ് കോച്ച് വുകോമനോവിച്ച്
അടുത്ത സീസണിലെ ഉദ്ഘാടന മത്സരത്തില്‍ കൊച്ചിയിലെ തിങ്ങിനിറഞ്ഞ ആരാധകര്‍ക്ക് മുന്നില്‍ എടികെയെ കയ്യിൽ കിട്ടണമെന്നും ഈ സീസണിൽ തന്നെ സീസണില്‍ എറ്റവും നിരാശപ്പെടുത്തിയത് റഫറിമാരെന്നും വുകോമനോവിച്ച് പറഞ്ഞു. ബുധനാഴ്ച പോയിന്റ് പട്ടികയിലെ ഒന്നാംസ്ഥാനക്കാരായ ഹൈദരാബാദുമായാണ് ബ്ലാസ്റ്റേഴ്സിന്റെ അടുത്ത മത്സരം. ആദ്യപാദത്തില്‍ ബ്ലാസ്റ്റേഴ്സ് ഒറ്റഗോളിന് ഹൈദരാബാദിനെ തോല്‍പിച്ചിരുന്നു.
