കാത്തിരിക്കുക, മെസ്സിയും റൊണാള്‍ഡോയും നേര്‍ക്കുനേര്‍ വരുന്നു, ഇന്റര്‍ മയാമി അല്‍ നസ്ര്‍ പോരാട്ടം ഫെബ്രുവരി ആദ്യം
ക്ലബ് ഫുട്‌ബോളിലും രാജ്യാന്തര കരിയറിലുമായി 35 തവണയാണ് മെസ്സിയും റൊണാള്‍ഡോയും പരസ്പരം ഏറ്റുമുട്ടിയിട്ടുള്ളത്. ഈ മത്സരങ്ങളില്‍ മെസ്സിയുടെ ടീമുകള്‍ 16 തവണ വിജയിച്ചപ്പോള്‍ 10 തവണ റൊണാള്‍ഡോയുടെ ടീമുകള്‍ വിജയിച്ചു. 9 മത്സരങ്ങള്‍ സമനിലയിലാണ് അവസാനിച്ച്ചത്. ഈ മത്സരങ്ങളില്‍ നിന്ന് മെസ്സി 21 ഗോളുകളും 12 അസിസ്റ്റുകളുമാണ് നേടിയിട്ടുള്ളത്. റൊണാള്‍ഡോ ഈ മത്സരങ്ങളില്‍ നിന്നും 20 ഗോളുകളും ഒരു അസിസ്റ്റും നേടിയിട്ടുണ്ട്.
