' രജനി ആരാധകര്‍ക്ക് തീര്‍ച്ചയായും ഇഷ്ടപ്പെടും. അനിരുദ്ധിന്റെ സംഗീതം മികച്ചതായിരുന്നു. ഈ സിനിമയിലൂടെ ഝാനവേല്‍ വളരെ നല്ല സന്ദേശമാണ് സമൂഹത്തിനു നല്‍കിയിരിക്കുന്നത്,' ആദ്യ ഷോ കണ്ട ശേഷം ഒരു പ്രേക്ഷക മാധ്യമങ്ങളോടു പറഞ്ഞു.
അതേസമയം സിനിമ ശരാശരിയാണെന്നു പറയുന്ന പ്രേക്ഷകര്‍ പോലും ഫഹദ് ഫാസിലിനെ പുകഴ്ത്തുകയാണ്. രജനിക്കൊപ്പം സ്‌ക്രീന്‍ പ്രസന്‍സിന്‍ കട്ടയ്ക്കു നില്‍ക്കുന്ന കഥാപാത്രമാണ് ഫഹദിന്റേതെന്ന് മിക്ക പ്രേക്ഷകരും പറയുന്നു. പടത്തില്‍ ഉടനീളം എന്റര്‍ടെയ്‌നര്‍ എന്ന നിലയില്‍ ഫഹദ് പൂണ്ടുവിളയാടുകയാണെന്നും അഭിപ്രായങ്ങള്‍ ഉണ്ട്. എന്നാല്‍ അമിതാഭ് ബച്ചന്റെ കഥാപാത്രം പ്രതീക്ഷിച്ച അത്ര മികച്ചതായിട്ടില്ലെന്നും ചില പ്രേക്ഷകര്‍ പറയുന്നു.
