മാത്യു മാഞ്ഞൂരാന്‍ എന്ന പഴയ പൊലീസുകാരന്‍റെ ജീവിതത്തിലെ ദുരന്തങ്ങളും തിരിച്ചടികളുമായിരുന്നു ഈ സിനിമയുടെ ഹൈലൈറ്റ്. എന്നാല്‍ അതൊഴിച്ചുനിര്‍ത്തിയാല്‍ ഒരു തട്ടുപൊളിപ്പന്‍ ആക്ഷന്‍ ത്രില്ലര്‍ ചിത്രത്തിന്‍റെ തിരക്കഥയാണ് ഉണ്ണികൃഷ്ണന് ഈ സിനിമയ്ക്കായി രചിച്ചത്. ഒരുപാട് കാര്യങ്ങള്‍ ഒരു സിനിമയില്‍ തന്നെ പറയാന്‍ ശ്രമിച്ചതാണ് വില്ലന്‍ ഒരു വലിയ വിജയമാകാന്‍ കഴിയാതെ പോയതിന് കാരണം.
മാഞ്ഞൂരാന്‍റെ ഭാര്യ നീലിമ എന്ന കഥാപാത്രമായി മഞ്ജു വാര്യരും മികച്ച പ്രകടനം കാഴ്ചവച്ചു. വിശാല്‍, ഹന്‍സിക മൊട്‌വാണി, റാഷി ഖന്ന, ശ്രീകാന്ത് തുടങ്ങി ഏറെ താരമൂല്യമുള്ള അന്യഭാഷാ താരങ്ങളും വില്ലനില്‍ അഭിനയിച്ചിരുന്നു.
