ഈ വര്‍ഷത്തെ വലിയ റിലീസുകളില്‍ ഒന്നാണ് ജയലളിതയുടെ ബയോപിക് തലൈവി. ഏപ്രില്‍ 23 ന് പ്രദര്‍ശനത്തിനെത്താനിരുന്ന ചിത്രത്തിന്റെ റിലീസ് മാറ്റി. വിജയ് സംവിധാനം ചെയ്യുന്ന ചിത്രത്തില്‍ കങ്കണയും അരവിന്ദ് സ്വാമിയുമാണ് പ്രധാന വേഷങ്ങളിലെത്തുന്നത്. അടുത്തിടെ ട്രെയിലറും ചിത്രത്തിലെ ആദ്യ ഗാനവും അണിയറ പ്രവര്‍ത്തകര്‍ പുറത്തിറക്കിയിരുന്നു. രാജ്യത്ത് കോവിഡ് വ്യാപനം വര്‍ധിക്കുന്ന സാഹചര്യത്തില്‍ ചിത്രത്തിന്റെ റിലീസ് മാറ്റിവയ്ക്കുകയാണെന്ന് നിര്‍മ്മാതാക്കള്‍ അറിയിച്ചു.
