തന്റെ പുതിയ സിനിമയ്ക്കായി പ്രഭാസ് റെക്കോർഡ് പ്രതിഫലം വാങ്ങുന്നുവെന്ന് റിപ്പോർട്ട്. മഹാനടിയുടെ സംവിധായകൻ നാഗ് അശ്വിനിൻറെ അടുത്ത സിനിമയ്ക്കാണ് താരം ഉയർന്ന പ്രതിഫലം വാങ്ങുന്നത്. ടോളിവുഡ് ഡോട്ട് കോം എന്ന സൈറ്റാണ് ഇക്കാര്യം റിപ്പോർട്ട് ചെയ്തത്.
വലിയ ക്യാൻവാസിൽ നിർമിക്കുന്ന ചിത്രത്തിനായി പ്രഭാസ് 100 കോടി രൂപയാണ് പ്രതിഫലം വാങ്ങുന്നത്. ഇതോടെ രജനികാന്തിനും വിജയ്ക്കുമൊപ്പം ഇന്ത്യൻ സിനിമയിൽ ഏറ്റവും കൂടുതൽ പ്രതിഫലം വാങ്ങുന്ന താരമായി പ്രഭാസ് മാറും. ഒരു സയൻസ് ഫിക്ഷൻ സിനിമയായിരിക്കും ഈ ചിത്രം.
പ്രഭാസിന്റെ 'രാധേ ശ്യാം' എന്ന സിനിമയുടെ ഫസ്റ്റ് ലുക്ക് പോസ്റ്റർ അടുത്തിടെയാണ് പുറത്തുവന്നത്. ഈ പ്രണയ ചിത്രത്തിനായി ആരാധകർ കാത്തിരിക്കുകയാണ്. പൂജ ഹെഗ്‌ഡെ ആണ് രാധേ ശ്യാമിലെ നായിക.
