ഉണ്ണി മുകുന്ദന്റെ ആരാധകര്‍ ആകാംക്ഷയോടെ കാത്തിരിക്കുന്ന ചിത്രങ്ങളിലൊന്നാണ് മേപ്പടിയാന്‍. രൂപത്തിലും ഭാവത്തിലും വേറിട്ട ഒരു കഥാപാത്രത്തെയാണ് നടന്‍ ചിത്രത്തില്‍ അവതരിപ്പിക്കുന്നത്. സിനിമയ്ക്ക് വേണ്ടി ശരീരഭാരം വര്‍ധിപ്പിച്ച ഉണ്ണിയുടെ ലുക്ക് സോഷ്യല്‍ മീഡിയയില്‍ തരംഗമായി മാറിയിരുന്നു. ഗ്രാമീണ പശ്ചാത്തലത്തില്‍ ഒരുങ്ങുന്ന മേപ്പടിയാനിലെ ആദ്യഗാനം കഴിഞ്ഞ ദിവസമാണ് പുറത്തുവന്നത്. പാട്ട് ആസ്വാദകര്‍ ഇരുകൈയും നീട്ടി സ്വീകരിച്ചു. എങ്ങു നിന്നും ലഭിക്കുന്ന മികച്ച പ്രതികരണത്തിന് നന്ദി അറിയിച്ച് രംഗത്തെത്തിയിരിക്കുകയാണ് ഉണ്ണി മുകുന്ദന്‍.
