‘സര്‍വ്വവും എന്‍റെ പിതാവ് എന്നെ ഏല്‍പ്പിച്ചിരിക്കുന്നു’ - എന്നാണ് ടീസര്‍ തുടങ്ങുമ്പോള്‍ ഡെറിക് ഏബ്രഹാമിന്‍റെ സ്വരത്തില്‍ മമ്മൂട്ടി പറയുന്നത്. ഷാജി പാടൂര്‍ സംവിധാനം ചെയ്ത ‘അബ്രഹാമിന്‍റെ സന്തതികള്‍’ എന്ന ചിത്രത്തേക്കുറിച്ചുള്ള ഏറ്റവും വ്യക്തമായ സൂചനയാണത്. പിതാവിന് വേണ്ടി യുദ്ധത്തിനൊരുങ്ങിയ മകനാണ് ഡെറിക് എന്നതിന് ഇനിയെന്ത് തെളിവാണ് വേണ്ടത്?
‘അബ്രഹാമിന്‍റെ സന്തതികള്‍’ ഒരു പ്രതികാര സിനിമയാണ്. ഹനീഫ് അദേനിയുടെ കഴിഞ്ഞ തിരക്കഥയായ ഗ്രേറ്റ്‌ഫാദറും ഒരു പ്രതികാര ചിത്രമായിരുന്നു. ഗ്രേറ്റ് ഫാദറിലെ ഡേവിഡ് നൈനാനേക്കാള്‍ സ്റ്റൈലിഷായാണ് ഡെറിക് ഏബ്രഹാമിനെ പുതിയ സിനിമയില്‍ അവതരിപ്പിച്ചിരിക്കുന്നത്. ‘അബ്രഹാമിന്‍റെ സന്തതികള്‍’ പുതിയ ടീസര്‍ അതിഗംഭീരമായാണ് ഒരുക്കിയിരിക്കുന്നത്.
