സൂര്യയുമായി ഇനി സിനിമ ചെയ്യില്ലെന്ന് ഗൌതം വാസുദേവ് മേനോന്‍ പ്രഖ്യാപിച്ചുകഴിഞ്ഞു. സൂര്യയ്ക്കായി മുമ്പ് ആലോചിച്ചിരുന്ന ‘ധ്രുവനക്ഷത്രം’ എന്ന പ്രൊജക്ട് വിക്രമിന് നല്‍കുകയാണ് ഗൌതം. ഈ സിനിമയില്‍ ഒരു പൊലീസ് ഉദ്യോഗസ്ഥന്‍റെ റോളിലാണ് വിക്രം എത്തുന്നതെന്ന് സൂചനയുണ്ട്. സൂര്യയെ നായകനാക്കി ചെയ്യാനിരുന്ന അതേ തിരക്കഥയാണ് വിക്രമിന് വേണ്ടി ഉപയോഗിക്കുന്നതെന്നാണ് റിപ്പോര്‍ട്ട്. നയന്‍‌താരയാണ് ഈ ചിത്രത്തിലെ നായിക.
‘ഐ' മെഗാഹിറ്റായതോടെ വിക്രമിന് പിന്നാലെയാണ് ഇപ്പോള്‍ സംവിധായകരും നിര്‍മ്മാതാക്കളും. വമ്പന്‍ സിനിമകളുടെ നീണ്ട നിരയാണ് വിക്രമിനെ കാത്തിരിക്കുന്നത്. ഇതില്‍, വിജയ് മില്‍ട്ടണ്‍ സംവിധാനം ചെയ്ത '10 എണ്‍‌റതുക്കുള്ളേ' പൂര്‍ത്തിയായിക്കഴിഞ്ഞു.
