'തട്ടിന്‍ മറയത്ത്’ - സംവിധാനം വിനീത് ശ്രീനിവാസന്‍!
ബുധന്‍, 1 ഫെബ്രുവരി 2012 (19:05 IST)
PRO
വിനീത് ശ്രീനിവാസന്‍ സംവിധാനം ചെയ്യുന്ന പുതിയ ചിത്രത്തിന് ‘തട്ടിന്‍ മറയത്ത്’ എന്ന് പേരിട്ടു. ലൂമിയര്‍ ക്രിയേഷന്‍സിന്‍റെ ബാനറില്‍ ശ്രീനിവാസനാണ് ഈ ചിത്രം നിര്‍മ്മിക്കുന്നത്. ലൂമിയറിലെ സഹനിര്‍മ്മാതാവായ മുകേഷ് ഈ ചിത്രത്തിന് പണം മുടക്കുമോ എന്ന് അറിവായിട്ടില്ല.
‘തട്ടിന്‍ മറയത്ത്’ ഒരു പ്രണയകഥയാണ് പറയുന്നത്. മലര്വാടി ആര്‍ട്സ് ക്ലബിലൂടെ വിനീത് പരിചയപ്പെടുത്തിയ നിവിന്‍ പോളിയാണ് ചിത്രത്തിലെ നായകന്‍. നായിക പുതുമുഖമായിരിക്കും. ഷാന്‍ ആണ് സംഗീത സംവിധാനം.
‘മലര്വാടി’ പോലെ യുവത്വത്തിന്‍റെ ആഘോഷമായിരിക്കും ഈ ചിത്രവുമെന്നാണ് വിനീത് ശ്രീനിവാസന്‍ ഉറപ്പുനല്‍കുന്നത്. മലയാളത്തിലെ പ്രമുഖ താരങ്ങളും ചിത്രത്തില്‍ അണിനിരക്കുന്നുണ്ട്.
‘പത്മശ്രീ ഭരത് ഡോക്ടര്‍ സരോജ്കുമാര്‍’ എന്ന ചിത്രത്തിലൂടെ ശ്രീനിവാസന്‍ വിവാദതാരമായപ്പോള്‍ മകന്‍ വിനീത് ശ്രീനിവാസനെതിരെ മലയാളസിനിമയിലെ ചില പ്രമുഖര്‍ നീക്കം നടത്തിയേക്കുമെന്ന് വാര്‍ത്തകളുണ്ടായിരുന്നു. അതൊഴിവാക്കാനാണ് മകന്‍റെ ചിത്രം ശ്രീനി നിര്‍മ്മിക്കുന്നതെന്ന് സൂചനകളുണ്ട്.
