"ഇന്ത്യന്‍ സിനിമയില്‍ തന്നെ വിക്കുള്ള നായകനില്ലെന്നാണ് തോന്നുന്നത്. കണ്ടുപഠിക്കാന്‍ റഫര്‍ ചെയ്യാന്‍ നമുക്ക് മുന്നില്‍ വേറൊന്നില്ല. പിന്നെ ഒരിക്കലും അഭിനയം നാടകീയമാകരുതല്ലോ. നമ്മളിങ്ങനുള്ള ധാരാളം പേരെ ജീവിതത്തില്‍ കാണുന്നുണ്ട്. അതുകൊണ്ടു തന്നെ അസാധ്യമായ നാച്ചുറാലിറ്റി കഥാപാത്രങ്ങള്‍ക്ക് വരണം. അല്ലെങ്കില്‍ അത് ഓവറാകും. മൊത്തത്തില്‍ ചളമാകും. അതുള്ളതുകൊണ്ട് വളരെ സൂക്ഷിച്ചാണ് അഭിനയിച്ചു തീര്‍ത്തത്. പിന്നെ കഥാപാത്രത്തിന്റെ നാല് ജീവിത കാലഘട്ടത്തിലൂടെയാണ് കഥ പോകുന്നത്. സംസാരത്തിലെ കയറ്റിറക്കങ്ങള്‍ അതിനനുസരിച്ച് മാറുമല്ലോ. ഡബ്ബിങ് അപ്പോള്‍ ശരിക്കും വെല്ലുവിളിയായിരുന്നു” - മനോരമ ഓണ്‍ലൈനിന് അനുവദിച്ച അഭിമുഖത്തില്‍ ഈ ചിത്രത്തിലെ അഭിനയത്തേക്കുറിച്ച് ജയസൂര്യ വ്യക്തമാക്കിയത് ഇങ്ങനെയാണ്.
മുകേഷ്, കെ പി എ സി ലളിത, അജു വര്‍ഗീസ്, സുനില്‍ സുഖദ, ശിവദ തുടങ്ങിയവരാണ് ചിത്രത്തിലെ മറ്റ് താരങ്ങള്‍.
