രാജ്യത്തെ ഏറ്റവും മുന്തിയ ബജറ്റില്‍ ചിത്രീകരിക്കുന്ന ചിത്രമെന്ന നിലയില്‍ രണ്ടാമൂഴം പ്രഖ്യാപിച്ചതു മുതല്‍ വാര്‍ത്തകളില്‍ നിറഞ്ഞിരുന്നു. എംടി വാസുദേവന്‍ നായരുടെ രണ്ടാമൂഴം എന്ന നോവലിനെ അടിസ്ഥാനമാക്കി ശ്രീകുമാര്‍ മേനോന്‍ ഒരുക്കുന്ന ചിത്രം മലയാളത്തിന് പുറമെ ഇംഗ്ലീഷ്, ഹിന്ദി, തെലുങ്ക്, തമിഴ്, കന്നഡ, ഭാഷകളിലും പ്രദര്‍ശനത്തിനെത്തും.
മോഹന്‍ലാല്‍ കേന്ദ്രകഥാപാത്രമായ ഭീമനെ അവതരിപ്പിക്കും. ചിത്രത്തിലെ മറ്റു കഥാപാത്രങ്ങളെ ഇതുവരെ പ്രഖ്യാപിച്ചിട്ടില്ല. എന്നാല്‍, പുറത്തുവരുന്ന റിപ്പോര്‍ട്ടുകളുടെ അടിസ്ഥനത്തില്‍ കര്‍ണനായ് എത്തുന്നത് തെലുങ്ക് താരം നാഗാര്‍ജുന ആയിരിക്കുമെന്നാണ്. ഇക്കാര്യം നാഗാര്‍ജുന ദേശീയ മാധ്യമങ്ങള്‍ക്ക് നല്‍കിയ അഭിമുഖത്തില്‍ വ്യക്തമാക്കുകയും ചെയ്തിരിക്കുകയാണ്.
