മലയാളത്തിന്റെ ആക്ഷന്‍ കിങ് എന്നാണ് ഒരുകാലത്ത് സുരേഷ് ഗോപി അറിയപ്പെട്ടിരുന്നത്. മമ്മൂട്ടിയും മോഹന്‍ലാലും കഴിഞ്ഞാല്‍ തൊണ്ണൂറുകളുടെ അവസാനത്തില്‍ ഏറ്റവും കൂടുതല്‍ സൂപ്പര്‍ഹിറ്റുകള്‍ ഉണ്ടായിരുന്നത് സുരേഷ് ഗോപിക്കാണ്. എന്നാല്‍, സുരേഷ് ഗോപിയുടേതായി ഒട്ടേറെ മോശം സിനിമകളും ഇറങ്ങിയിട്ടുണ്ട്. അതില്‍ ഏറ്റവും മോശം അഞ്ച് സിനിമകള്‍ ഏതൊക്കെയാണെന്ന് നോക്കാം.
1. കാഞ്ചീപുരത്തെ കല്യാണം
തിയറ്ററുകളില്‍ തകര്‍ന്നടിഞ്ഞ സുരേഷ് ഗോപി ചിത്രമാണ് കാഞ്ചീപുരത്തെ കല്യാണം. ഫാസില്‍-ജയകൃഷ്ണ കൂട്ടുകെട്ടില്‍ പിറന്ന ചിത്രം കോമഡി ഴോണറിലാണ് ഒരുക്കിയത്. എന്നാല്‍, പ്രേക്ഷകരെ ഒരു തരത്തിലും തൃപ്തിപ്പെടുത്തിയില്ല. 2009 ലാണ് ചിത്രം റിലീസ് ചെയ്തത്. സുരേഷ് ഗോപിക്ക് പുറമേ മുകേഷ്, ജഗദീഷ്, ഹരിശ്രീ അശോകന്‍, ജഗതി, ഇന്നസെന്റ്, മുക്ത എന്നിവരും ചിത്രത്തില്‍ അഭിനയിച്ചു.
