സത്യന്‍ അന്തിക്കാടിന്റെ എന്നും എപ്പോളും എന്ന ചിത്രത്തിന് ശേഷം മഞ്ജു വാരിയര്‍ അഭിനയിക്കുന്നത് അരുണ്‍ കുമാര്‍ അരവിന്ദ് സംവിധാനം ചെയ്യുന്ന ചിത്രത്തിലെന്ന് സൂചന.
ഈ അടുത്ത കാലത്ത്, കോക്ടെയില്‍, വണ്‍ ബൈ ടു, ലെഫ്റ്റ് റൈറ്റ് ലെഫ്റ്റ് എന്നീ ചിത്രങ്ങള്‍ ഒരുക്കി ശ്രദ്ധേയനായ സംവിധായകനാണ് അരുണ്‍ കുമാര്‍ അരവിന്ദ്. എന്നാല്‍ കൌതുകമുണര്‍ത്തുന്ന മറ്റൊരു കാര്യം ഈ ചിത്രത്തില്‍ രേവതിയും ഉര്‍വ്വശിയും മഞ്ജുവിനൊപ്പം അഭിനയിക്കുന്നുണ്ടെന്നുള്ളതാ‍ണ്.
രേവതിയും ഉര്‍വ്വശിയും മഞ്ജുവും ഒരുമിക്കുന്ന ചിത്രത്തിന് വന്‍ വിജയ സാധ്യതയുണ്ടെന്നാണ് സിനിമ ലോകം വിലയിരുത്തുന്നത്. ചിത്രത്തില്‍ മറ്റേതെങ്കിലും സൂപ്പര്‍ സ്റ്റാറുകള്‍ അഭിനയിക്കുമൊ എന്നത് വ്യക്തമായിട്ടില്ല. സ്ത്രീ പ്രാധാന്യമുള്ള കഥയാണെന്നാണ് സൂചന. ചിത്രത്തിന് പേരിട്ടിട്ടില്ല.
