‘ദര്‍ബാര്‍’ എന്ന രജനികാന്ത് ചിത്രം ബോക്‍സോഫീസില്‍ തകര്‍ന്നതോടെ എ ആര്‍ മുരുഗദാസിന് തമിഴ് ഇന്‍ഡസ്‌ട്രിയില്‍ വന്‍ തിരിച്ചടിയാണ് നേരിടേണ്ടിവരുന്നത്. മുരുഗദാസ് അടുത്തതായി വിജയ് ചിത്രമാണ് ഒരുക്കുന്നത്. നിര്‍മ്മിക്കുന്നത് സണ്‍ പിക്‍ചേഴ്‌സ്. ഈ സിനിമയില്‍ മുരുഗദാസിന്‍റെ പ്രതിഫലം 50 ശതമാനം വെട്ടിക്കുറച്ചിരിക്കുകയാണ് സണ്‍ പിക്‍ചേഴ്‌സ്.
മാത്രമല്ല, തുപ്പാക്കി 2ന് നേരത്തേ നിശ്ചയിച്ചിരുന്ന ബജറ്റിലും കുറവ് വരുത്തിയിട്ടുണ്ട്. കോവിഡ് പ്രതിസന്ധിയില്‍ പെട്ടുഴലുന്ന സിനിമാലോകത്ത് ഇനി വാരിക്കോരി ചെലവഴിച്ച് സിനിമ നിര്‍മ്മിക്കുന്നത് നഷ്‌ടക്കച്ചവടമായിരിക്കുമെന്ന തിരിച്ചറിവിലാണ് സണ്‍ പിക്‍ചേഴ്‌സ്.
