എന്നാല്‍ ഇപ്പോള്‍ സീരിയലിന് വന്‍ വെല്ലുവിളി ഉയര്‍ത്തിയാണ് സിഖ് സംഘടനകള്‍ രംഗത്തെത്തിയിട്ടുള്ളത്. കരൺജിത് കൗര്‍ ദി അണ്‍ടോള്‍ഡ് സ്റ്റോറി ഓഫ് സണ്ണി ലിയോണ്‍ എന്ന പേരാണ് മുഖ്യ പ്രശ്നം. ചിത്രത്തില്‍ കൗര്‍ എന്ന പ്രയോഗത്തിനെതിരെയാണ് എസ്ജിപിസി പ്രതിഷേധം അറിയിച്ചിരിക്കുന്നത്. സിഖ് മതവിശ്വാസം പിന്തുടരാത്ത സണ്ണി ലിയോണിന് കൗര്‍ എന്ന പ്രയോഗം ഉപയോഗിക്കാന്‍ യോഗ്യത ഇല്ലെന്നും ഇത് മതവിശ്വാസം വ്രണപ്പെടുത്തുന്നതിന് തുല്യമാണെന്നും എസ്ജിപിസി അഭിപ്രായപ്പെട്ടു. കൂടാതെ സണ്ണി പരസ്യമായി മാപ്പു പറയണമെന്ന് എസ്ജിപിസി അഡീഷണല്‍ സെക്രട്ടറി ദില്‍ജിത് സിംഗ് ബോദി വ്യക്തമാക്കി.
