പാലേരി മാണിക്യം ഒരു പാതിരകൊലപാതകത്തിന്റെ കഥ, പ്രാഞ്ചിയേട്ടന്‍ ആന്‍ഡ് ദി സെയ്ന്റ്, കൈയൊപ്പ്, ബ്ലാക്ക്, വല്യയേട്ടന്‍, പുത്തൽപണം തുടങ്ങിയ ചിത്രങ്ങൾ മലയാളികൾ അത്രപെട്ടെന്നൊന്നും മറക്കില്ല. രഞ്ജിത്തിന്റെ സംവിധാനത്തിൽ മമ്മൂക്കയെ നായകനാക്കിയെടുത്ത ഈ ചിത്രങ്ങളെല്ലാം ഹിറ്റായിരുന്നു.
പുത്തൽപണം എന്ന ചിത്രത്തിലായിരുന്നു അവസാനമായി ഈ കൂട്ടുകെട്ട് വീണ്ടുമെത്തിയത്. സാമ്പത്തികമായി ചിത്രം വൻ വിജയമായിരുന്നില്ല നേടിയത്. എന്നാൽ ഇപ്പോൾ മമ്മൂട്ടി - രഞ്ജിത്ത് കൂട്ടുകെട്ട് വീണ്ടും എത്തുന്നതായി വാർത്തകൾ ഉണ്ടായിരുന്നു. ലോകത്തിലെ ഏറ്റവും വലിയ സമ്പന്നനായി പ്രഖ്യാപിക്കപ്പെട്ട മലയാളിയുടെ ജീവിതം ആക്ഷേപ ഹാസ്യത്തിലൂടെ അവതരിപ്പിക്കാനാണ് ഈ കൂട്ടുകെട്ട് ഒരുങ്ങുന്നതെന്ന് വാർത്തകൾ ഉണ്ടായിരുന്നു.
