ഫെബ്രുവരി മാസത്തിനായി സിനിമാപ്രേമികൾ കാത്തിരിക്കുകയാണ്. മറ്റൊന്നിനും വേണ്ടിയല്ല, മമ്മൂട്ടിയുടെ അഭിനയ മികവ് കൊണ്ട് വ്യത്യസ്‌തമാകുന്ന രണ്ട് ചിത്രങ്ങൾക്ക് വേണ്ടി. അതേ പേരൻപിനും യാത്രയ്‌ക്കും വേണ്ടി. മലയാളികൾ മറ്റൊരു ഭാഷയിലെ ചിത്രങ്ങൾക്ക് വേണ്ടി ഇത്രയും കാത്തിരുന്ന ചരിത്രം വേറെ ഉണ്ടാകില്ല.
തങ്കമീന്‍കള്‍ എന്ന ചിത്രത്തിലൂടെ ദേശീയ പുരസ്‌കാരം നേടിയ റാം ഒരുക്കിയ പേരന്‍പ് ഷൂട്ടിംഗ് പൂര്‍ത്തിയാക്കി ഒരു വര്‍ഷത്തിലേറേയായെങ്കിലും വിവിധ ചലച്ചിത്രോല്‍സവങ്ങളിലെ പ്രദര്‍ശനത്തിനു ശേഷമാണ് റിലീസിന് തയാറെടുക്കുന്നത്. അഞ്ജലി അമീര്‍, സാധന, സമുദ്രക്കനി തുടങ്ങിയവരും ചിത്രത്തിലെ പ്രധാന വേഷങ്ങളിലുണ്ട്.
