തൊണ്ടിമുതലും ദൃക്സാക്ഷിയും, കുപ്രസിദ്ധ പയ്യൻ, ഈട, മാംഗല്യം തന്തുനാനേന, ചോല (റിലീസ് ചെയ്തിട്ടില്ല) എന്നീ ചിത്രങ്ങളിലൂടെയാണ് മലയാളികളുട്ര് പ്രീയപ്പെട്ട നടിയായി നിമിഷ സജയൻ മാറിയത്. ചോലയിലെ അഭിനയത്തിന് മികച്ച നടിക്കുള്ള സംസ്ഥാന അവാർഡ് വരെ സ്വന്തമാക്കിയിരിക്കുകയാണ് താരം.
കുപ്രസിദ്ധ പയ്യനിലെ തുടക്കാക്കാരിയായ വക്കീലിന്റെ വേഷം നിമിഷ മനോഹരമാക്കി. എന്നാൽ, ഇതിനു മുൻപേ താരം വക്കീലായി വേഷമിട്ടിട്ടുണ്ട്. അതും ജൂനിയർ ആർട്ടിസ്റ്റ് ആയി. മഞ്ജു വാര്യർ നായികയായ കെയർ ഓഫ് സൈറബാനു എന്ന ചിത്രത്തിലും വക്കീലായി ചെറിയ ഒരു വേഷം താരം ചെയ്തിട്ടുണ്ട്. മഞ്ജുവിനെ സഹായിക്കുകയും പിന്നീട് എതിർഭാഗത്ത് നിൽക്കുകയും ചെയ്യുന്ന അമല അക്കിനേനിയുടെ ജൂനിയർ വക്കീലായിട്ടായിരുന്നു നിമിഷ ചിത്രത്തിൽ അഭിനയിച്ചത്.
