ആരാധകരിൽ ആകാംഷ നിറയ്ക്കുന്ന മുഹൂർത്തങ്ങളാണ് ട്രയിലറിൽ ഉള്ളത്. മായ, ഡോറ എന്നീ ഗണത്തിൽ പെടുത്താവുന്ന പ്രേതകഥ തന്നെയാകും ഐറയുമെന്നാണ് സൂചന. സർജുൻ കെ എം ആണ് ചിത്രം സംവിധാനം ചെയ്യുന്നത്. കെ എസ് സുന്ദരമൂർത്തി സംഗീതസംവിധാനം നിർവഹിക്കുന്നു. സുദർശൻ ശ്രീനീവാസൻ ആണ് ഛായാഗ്രാഹണം നിർവഹിക്കുന്നു.
ഭവാനി, യമുന എന്നീ കഥാപാത്രങ്ങളായി ആണ് നയൻതാര ചിത്രത്തിൽ അഭിനയിക്കുന്നത്. കലൈരശൻ മറ്റൊരു പ്രധാന കഥാപാത്രമായി അഭിനയിക്കുന്നു. മോഹൻലാലിന്റെ ലൂസിഫറിന്റേയും മമ്മൂട്ടിയുടെ മധുരരാജയുടെയും ടീസർ, ട്രെയിലർ എന്നിവ പുറത്തുവന്നതിനു പിന്നാലെയാണ് ഐറയുടെ ട്രെയിലറും റിലീസ് ആയിരിക്കുന്നത്.
