ദിലീപ് നായകനായ ചന്തുപൊട്ട് എന്ന ചിത്രത്തിന് സമ്മിശ്രപ്രതികരണങ്ങളായിരുന്നു തിയേറ്ററിൽ നിന്നും ലഭിച്ചത്. ചിത്രത്തിൽ രാജീവ് രവിയെ ആയിരുന്നു ആദ്യം ഛായാഗ്രഹണം നിർവ്വഹിക്കാൻ തീരുമാനിച്ചിരുന്നത്. എന്നാൽ, നിർമ്മാതാവിൽ നിന്നും എതിർപ്പുണ്ടായതിനെ തുടർന്ന് രാജീവിനെ മാറ്റി അഴകപ്പനെ വെയ്ക്കുകയായിരുന്നു. സ്റ്റാര്‍ ആന്റ് സ്റ്റൈലിന് നല്‍കിയ അഭിമുഖത്തിലാണ് ലാല്‍ ജോസ് ഇക്കാര്യം പറഞ്ഞത്.
അത് രാജീവ് രവിയില്‍ ചില തെറ്റിദ്ധാരണകള്‍ ജനിക്കാന്‍ കാരണമായി. ലാബില്‍ ചില പ്രശ്‌നങ്ങള്‍ ഉണ്ടായതായിരുന്നു കാരണം. അതുകൊണ്ടാണ് തിയേറ്റര്‍ പ്രിന്റ് ഇരുണ്ടു പോയത്. ചിത്രം പരാജയപ്പെട്ടത് ക്യാമറയുടെ പ്രശ്‌നങ്ങള്‍ കാരണമായെന്ന് ചിലര്‍ പറഞ്ഞു പരത്തി. അതോടെ, ചാന്ത്പൊട്ടിൽ രാജീവ് വേണ്ടെന്ന് നിർമാതാക്കൾ പറഞ്ഞു.
