താടി എടുക്കാത്തത് എന്തുകൊണ്ട് ? മോഹന്‍ലാലിന്റെ മറുപടി

ഒടിയന്‍ റിലീസായ ശേഷം മോഹന്‍ലാലിന്റെ താടി പടങ്ങള്‍ക്കും തുടക്കമായി. 'എന്നാണ് ഈ ലാലേട്ടാ ഈ താടി എടുക്കുന്നത്', എന്ന ചോദ്യം അദ്ദേഹം പലപ്പോഴായി നേരിടേണ്ടി വന്നു. താടി ഇല്ലാതെ പിന്നീട് സിനിമയിലോ അദ്ദേഹം പങ്കെടുക്കുന്ന പൊതുവേദികളിലോ കണ്ടിട്ടില്ല എന്നതിനാലാണ് ഈ ചോദ്യം വീണ്ടും ഉയര്‍ന്നത്. ഇപ്പോഴിതാ അതിനൊരു മറുപടി നല്‍കിയിരിക്കുകയാണ് മോഹന്‍ലാല്‍. താടിവിശേഷത്തെക്കുറിച്ച് നടന്‍ സംസാരിച്ചത് നേര് എന്ന സിനിമയുടെ പ്രമോഷനിടെയാണ്. 

'കണ്ടിന്യുവിറ്റി ആയിപ്പോയി. രണ്ട് സിനിമകളുടെ കണ്ടിന്യുവിറ്റി. റാമും എമ്ബുരാനുമാണ് ആ ചിത്രങ്ങള്‍. അതുകൊണ്ട് ഷേവ് ചെയ്യാന്‍ പറ്റുന്നില്ല',- എന്നാണ് മോഹന്‍ലാല്‍ പറഞ്ഞത്.

താടി മാറ്റി മീശ പിരിക്കുന്ന ഒരു ലാലേട്ടനെ എന്ന് കാണാന്‍ പറ്റുമെന്ന ചോദ്യത്തിന് ലാല്‍ പറഞ്ഞത് ഇതാണ്.ഇവരോട് പറ വേഗം ഷൂട്ട് ചെയ്യാനെന്ന് ജീത്തു ജോസഫിനെ ചൂണ്ടി മോഹന്‍ലാല്‍ പറയുന്നു. പിന്നെ ഇത് വളരുന്നതാണ്. ഷേവ് ചെയ്താല്‍ വീണ്ടും വളരുമെന്നും മോഹന്‍ലാല്‍ തമാശരൂപേണ പറഞ്ഞു.