റിലീസ് ചെയ്ത് ദിവസങ്ങള്‍ പിന്നിട്ടിട്ടും മിന്നല്‍ മുരളി തന്നെയാണ് സോഷ്യല്‍ മീഡിയയില്‍ ചര്‍ച്ച. ടോവിനോ അവതരിപ്പിച്ച ജെയ്‌സണ്‍ എന്ന കഥാപാത്രമായി മോഹന്‍ലാല്‍ എത്തിയാല്‍ എങ്ങനെയുണ്ടാവും എന്ന് ചിന്തിച്ചിട്ടുണ്ടോ ? മോഹന്‍ലാല്‍ ഫാന്‍സ് പേജുകളിലൂടെ പുറത്തുവന്ന ലാലിന്റെ മിന്നല്‍ മുരളി വേര്‍ഷനാണ് ശ്രദ്ധനേടുന്നത്.
ഡിസംബര് 24ന് ഉച്ചക്ക് 1.30നാണ് ചിത്രം സ്ട്രീമിംഗ് ആരംഭിച്ചത്. അന്നുമുതല്‍ മിന്നല്‍ മുരളി ഇന്ത്യന്‍ ടോപ് ലിസ്റ്റില്‍ ഉണ്ടായിരുന്നു.സിരീസുകളായ എമിലി ഇന്‍ പാരീസ്, ദ് വിച്ചര്‍, ഡികപ്പിള്‍ഡ്, ആരണ്യക് എന്നിവയെല്ലാം ലിസ്റ്റില്‍ മിന്നല്‍ മുരളിക്ക് താഴെയാണ്.
