രണ്ടാമൂഴം എടുക്കാന്‍ ഒരുപക്ഷേ ഹരിഹരന് സമ്മതിച്ചേക്കും. എന്നാല്‍ അതില്‍ ഭീമസേനനാകാന്‍ മോഹന്‍ലാലിനെ ഹരിഹരന് വിളിക്കാന്‍ സാധ്യതയില്ല എന്നാണ് സൂചനകള്‍. കാരണം, ഇരുവരും തമ്മില്‍ അത്ര നല്ല രസത്തിലല്ല എന്നതുതന്നെ.
മോഹന്‍ലാലും താനും തമ്മില്‍ അത്ര സുഖത്തിലല്ല കാര്യങ്ങള്‍ എന്ന് ഹരിഹരന് തന്നെ നേരത്തേ അഭിമുഖങ്ങളില്‍ സൂചിപ്പിച്ചിട്ടുണ്ട്. അമൃതം ഗമയയ്ക്ക് ശേഷം ഒരു പടത്തിനായി ഹരിഹരന് മോഹന്‍ലാലിനെ വിളിച്ചെന്നും എന്നാല്‍ പടത്തിന്‍റെ ബജറ്റിനേക്കാള്‍ കൂടുതലായിരുന്നു മോഹന്ലാലിന്റെ പ്രതിഫലമെന്നും റിപ്പോര്‍ട്ടുകളുണ്ടായിരുന്നു. പ്രതിഫലം അല്‍പ്പം പോലും കുറയ്ക്കാന്‍ മോഹന്‍ലാല്‍ തയ്യാറായതുമില്ലത്രേ.
അതുകൊണ്ടുതന്നെ മോഹന്‍ലാലിനെ നായകനാക്കി രണ്ടാമൂഴം ചെയ്യാന്‍ ഹരിഹരന് തയ്യാറായേക്കില്ല. അതേസമയം തന്നെ, എംടി - ഹരിഹരന് - മമ്മൂട്ടി ടീമിന്‍റെ സിനിമ ഉടന്‍ ഉണ്ടാകുമെന്നാണ് വിവരം. ഇത് രണ്ടാമൂഴമാണോ പയ്യം‌വെള്ളി ചന്തുവാണോ എന്ന് ഉറപ്പായിട്ടില്ല.
