വീട്ടിലാണെങ്കിലും റോഡിലാണെങ്കിലും സ്ത്രീ സുരക്ഷിതയല്ല. മലയാള സിനിമയിലെ സ്ത്രീകളുടെ കാര്യമെന്ന് എടുക്കണ്ട, സമൂഹത്തിലെ സ്ത്രീയായി എടുത്താൽ മതി. അതല്ലേ വേണ്ടത്. കുറ്റം ചെയ്തവർ ശിക്ഷിക്കപ്പെടണം, ആരായാലും. - മിയ പറയുന്നു.
സിനിമയിൽ ഏറ്റവും കൂടുതലുള്ളത് പുരുഷന്മാരാണെന്ന് മിയ പറയുന്നു. സിനിമയിലെ എല്ലാ മേഖലയിലും പുരുഷന്മാർ ആണ് കൂടുതലുള്ളത്. അപ്പോൾ സ്വാഭാവികമായും ഒരു പുരുഷമേധാവിത്വമുണ്ടാകും. പക്ഷേ, ഒരു സ്ത്രീയായതിനാൽ സിനിമയിൽ എന്നെ ഇടിച്ചു താഴ്ത്തിയിരിക്കുകയാണ് എന്ന തോന്നൽ ഇതുവരെ എനിക്കുണ്ടായിട്ടില്ല. സിനിമ എന്ന കല മാർക്കറ്റ് ചെയ്യപ്പെടുന്നത് പുരുഷന്മാരുടെ പേരിലാണ്. ഹീറോയുടെ പേരിലാണ് പല സിനിമകളും ഇറങ്ങുന്നതു തന്നെയെന്നും മിയ പറയുന്നു.
