നാലുമണിക്ക് ഷോ തുടങ്ങിയ ചിത്രത്തിന് 4.45 ആയപ്പോഴേക്കും ‘ക്ലൈമാക്സ് കൊള്ളില്ല’ എന്ന രീതിയില്‍ സോഷ്യല്‍ മീഡിയ പ്രചരണം ഉണ്ടായതായാണ് സംവിധായകന്‍ ശ്രീകുമാര്‍ മേനോന്‍ ആരോപിക്കുന്നത്. മഞ്ജു വാര്യരെ ഒരു ബ്രാന്‍ഡ് ആക്കി വളര്‍ത്തുകയും സിനിമയിലേക്ക് തിരെ കൊണ്ടുവരികയും ചെയ്ത അന്നുമുതല്‍ തനിക്കെതിരായ ആക്രമണം നടക്കുകയാണെന്നാണ് മേനോന്‍ പറയുന്നത്.
അതായത്, ഇത്തരം ആക്രമണങ്ങള്‍ക്കെല്ലാം പിന്നില്‍ ദിലീപ് ആണെന്ന് ശ്രീകുമാര്‍ മേനോന്‍ സംശയിക്കുന്നു. മഞ്ജു സിനിമയിലേക്ക് തിരിച്ചുവന്നിട്ട് ഇപ്പോള്‍ വര്‍ഷങ്ങളായി. ഇത്രയും വര്‍ഷം കാത്തിരുന്ന്, ശ്രീകുമാര്‍ മേനോന്‍റെ ആദ്യ ചിത്രം പുറത്തിറങ്ങിയ ദിവസം ദിലീപ് നോക്കി വച്ച് ആക്രമിച്ചു എന്നാണ് ആരോപണം.
