മഹേഷ് നാരായണന്‍ സംവിധാനം ചെയ്യുന്ന മള്‍ട്ടിസ്റ്റാര്‍ സിനിമയുടെ ചിത്രീകരണം അവസാന ഘട്ടത്തിലാണ്. മോഹന്‍ലാല്‍, ഫഹദ് ഫാസില്‍, കുഞ്ചാക്കോ ബോബന്‍ എന്നിവരും മമ്മൂട്ടിക്കൊപ്പം ഈ ചിത്രത്തിലുണ്ട്. എല്ലാ താരങ്ങളും ഒന്നിച്ചുള്ള സീനുകളാണ് ഇനി ചിത്രീകരിക്കാന്‍ ശേഷിക്കുന്നത്.
ഭീഷ്മപര്‍വ്വത്തിനു ശേഷം അമല്‍ നീരദും മമ്മൂട്ടിയും വീണ്ടും ഒന്നിക്കുന്നതായി വാര്‍ത്തകളുണ്ട്. ഇത് ബിലാലിനു വേണ്ടിയാണോ എന്ന കാര്യത്തില്‍ ഉറപ്പില്ല. ബിലാല്‍ അല്ലെങ്കില്‍ മറ്റൊരു പ്രൊജക്ട് ആയിരിക്കും ഇരുവരും ഒന്നിച്ച് ചെയ്യുക. അടുത്ത മാസത്തോടെ ഇക്കാര്യത്തില്‍ ഔദ്യോഗിക സ്ഥിരീകരണം വരും. ബിലാലിന്റെ തിരക്കഥ പൂര്‍ത്തിയായതായി നേരത്തെ വാര്‍ത്തകളുണ്ടായിരുന്നു. ടിനു പാപ്പച്ചന്‍ സിനിമയിലും മമ്മൂട്ടി നായകനാകും.
