ബോക്‌സ്ഓഫീസില്‍ വാപ്പിച്ചിയും മകനും ഒരേദിവസം ഏറ്റുമുട്ടാന്‍ ഒരുങ്ങുന്നു. മെഗാസ്റ്റാര്‍ മമ്മൂട്ടിയും മകന്‍ ദുല്‍ഖര്‍ സല്‍മാനും കേന്ദ്ര കഥാപാത്രങ്ങളാകുന്ന സിനിമകള്‍ ഒരേദിവസം തിയറ്ററുകളില്‍ എത്തും. മമ്മൂട്ടിയും അമല്‍ നീരദും ഒന്നിക്കുന്ന 'ഭീഷ്മപര്‍വ്വവും' ദുല്‍ഖര്‍ സല്‍മാന്റെ പാന്‍ ഇന്ത്യന്‍ ചിത്രം 'ഹേയ് സിനാമിക'യും ഒരേദിവസമാണ് റിലീസ് ചെയ്യുന്നത്.
ദുല്‍ഖറിന്റെ 33ാമത്തെ ചിത്രമാണ് 'ഹേയ് സിനാമിക'. കോളിവുഡിലെ പ്രശസ്ത കൊറിയോഗ്രാഫര്‍ ബ്രിന്ദ ഗോപാല്‍ സംവിധാനം ചെയ്യുന്ന ചിത്രം മാര്‍ച്ച് മൂന്നിന് രാജ്യമെമ്പാടും റിലീസ് ചെയ്യുമെന്ന് അണിയറപ്രവര്‍ത്തകര്‍ നേരത്തെ അറിയിച്ചിരുന്നു. തെന്നിന്ത്യന്‍ താരങ്ങളായ കാജല്‍ അഗര്‍വാളും അതിഥി റാവുവുമാണ് നായികമാരാകുന്നത്.
