മോഹൻലാലിനെ അനുകരിക്കുന്നത് പോലെയാകും, പ്രണവ് അത് ചെയ്യാൻ തയ്യാറായില്ല, 'വർഷങ്ങൾക്കുശേഷം' സിനിമയിലെ ലൊക്കേഷനിൽ നടന്നത്
ഒരു സീൻ ചിത്രീകരിക്കുന്നതിനിടെ മീശ പിരിക്കാനായി വിനീത് ശ്രീനിവാസൻ പ്രണവിനോട് പറഞ്ഞു. അത് മോഹൻലാലിനെ അനുകരിക്കുന്നത് പോലെ ആകുമെന്ന് പറഞ്ഞ് പ്രണവ് നിരസിച്ചു. പിന്നീട് പ്രശാന്ത് പ്രണവിന്റെ ചെവിയിൽ പോയി എന്തോ പറഞ്ഞ ശേഷമാണ് പ്രണവ് സീൻ ചെയ്യാൻ തയ്യാറായത്. ഇത് ബിനീഷ് ശ്രീനിവാസൻ തന്നെ ഒരു അഭിമുഖത്തിനിടെ പറഞ്ഞിരുന്നു.
പ്രണവ് മീശ പിരിക്കാൻ വേണ്ടി അടുത്തുപോയി ചെവിയിൽ ഒന്ന് രണ്ട് കാര്യങ്ങൾ സംസാരിച്ചു പക്ഷേ അത് എന്താണെന്ന് ഇപ്പോൾ ഓർമ്മയില്ലെന്നാണ് പ്രശാന്ത് പുതിയ അഭിമുഖത്തിനിടെ പറഞ്ഞത്. പറഞ്ഞപ്പോൾ പ്രണവ് തലയാട്ടി പോയി എന്നാൽ അനുസരിക്കുമെന്ന് വിചാരിച്ചിരുന്നില്ലെന്നും പ്രശാന്ത് പറഞ്ഞു. ആക്ഷൻ പറഞ്ഞപ്പോൾ പ്രണവ് മീശ പിരിച്ചു. ഇത് കണ്ട് സെറ്റിൽ കൈയ്യടിയും ബഹളവുമായിരുന്നു. ടൂർ പോകുന്ന പോലെയാണ് വിനീത് ശ്രീനിവാസൻ ചിത്രത്തിലെ സെറ്റ് എന്നും പ്രശാന്ത് അമരവിള പറഞ്ഞു.
