ഫഹദ് ഫാസില്‍, കുഞ്ചാക്കോ ബോബന്‍, ജ്യോതിര്‍മയി എന്നിവരെ കേന്ദ്ര കഥാപാത്രങ്ങളാക്കി അമല്‍ നീരദ് സംവിധാനം ചെയ്യുന്ന 'ബോഗയ്ന്‍വില്ല' ഉടന്‍ തിയറ്ററുകളിലേക്ക്. വന്‍ വിജയമായ ഭീഷ്മ പര്‍വ്വത്തിനു ശേഷം അമല്‍ നീരദ് ഒരുക്കുന്ന ചിത്രമായതിനാല്‍ ആരാധകര്‍ വലിയ പ്രതീക്ഷയിലാണ്. ചിത്രം ഉടന്‍ എത്തുമെന്ന സൂചന നല്‍കി സംവിധായകന്‍ അമല്‍ നീരദ് പുതിയ പോസ്റ്റര്‍ പങ്കുവെച്ചിട്ടുണ്ട്. ഫഹദ് ഫാസില്‍, കുഞ്ചാക്കോ ബോബന്‍, ജ്യോതിര്‍മയി എന്നിവര്‍ മാസ് ലുക്കില്‍ നില്‍ക്കുന്ന പോസ്റ്ററാണ് അണിയറ പ്രവര്‍ത്തകര്‍ പങ്കുവെച്ചിരിക്കുന്നത്.
