ഇന്ത്യൻ സിനിമ കാത്തിരിക്കുന്നത് ഏത് ചിത്രത്തിന് വേണ്ടിയാണെന്ന് ചോദിച്ചാൽ ഒരുത്തരമേ ഉള്ളു. ബാഹുബലി 2. രാജമൗലിയുടെയും പ്രബാസിന്റേയും അടക്കം നിരവധി പേരുടെ പ്രയത്നത്തിന്റെ ഫലമായ ബാഹുബലി 2 ഏപ്രിൽ മാസത്തിലാണ് റിലീസ് ചെയ്യാനിരിക്കുന്നത്. എന്നാൽ, ചിത്രത്തിന്റെ അണിയറ പ്രവർത്ത‌കരെ പ്രതിസന്ധിയിലാഴ്ത്തുന്ന വാർത്തയാണ് ഇപ്പോൾ പുറത്തുവരുന്നത്.
ബാഹുബലി 2 കർണാടകയിൽ റിലീസ് ആകുമെന്ന് തോന്നുന്നില്ല. കാവേരി നദീജല പ്രശ്നങ്ങൾ തന്നെ കാരണം. പക്ഷേ സിനിമയോടല്ല കർണാടകയിലെ ജനങ്ങൾക്ക് ദേഷ്യം. ബാഹുബലിയിലെ കട്ടപ്പയായി അഭിനയിച്ച സത്യരാജിനോടാണ്. സത്യരാജ് തമിഴനായതിനാല്‍ മാത്രമല്ല പ്രശ്‌നം. കര്‍ണാടക നദീജല വിഷയത്തില്‍ സത്യരാജ് തമിഴ്‌നാടിനനുകൂലമായി സംസാരിച്ചത്രെ.
