ഇത് പൊളിക്കും, ദിലീപിന്റെ നായികയായി മലയാളത്തിന്റെ താരസുന്ദരി!

ദിലീപ് ചിത്രങ്ങൾക്കായി ആഅരാധകർ കാത്തിരിക്കുകയാണ്. പോയ വർഷം ഒരൊറ്റ ചിത്രം മാത്രമാണ് ദിലീപിന്റേതായി പുറത്തിറങ്ങിയത്. അതുകൊണ്ടുതന്നെ ഈ വർഷം അതിൽ നിന്ന് മാറ്റം വരുത്താൻ വേണ്ടിയാണ് താരത്തിന്റെ ശ്രമം. കോടതി സമക്ഷം ബാലൻ വക്കീൽ എന്ന ചിത്രമാണ് ഈ വർഷം ദിലീപിന്റെ റിലീസിനൊരുങ്ങുന്ന ആദ്യ ചിത്രം.

കൂടാതെ സംവിധായകന്‍ വ്യാസന്‍ കെപിയും ദീലിപും ഒന്നിക്കുന്ന ഒരു ചിത്രത്തെക്കുറിച്ചുളള റിപ്പോര്‍ട്ടുകളും പുറത്തുവന്നിരുന്നു. യഥാര്‍ത്ഥ സംഭവങ്ങളെ ആസ്പദമാക്കിയാണ് ചിത്രമൊരുങ്ങുന്നത് എന്ന് നേരത്തെ റിപ്പോര്‍ട്ടുകള്‍ വന്നിരുന്നു. എന്നാൽ ആരാധകരെ ആവേശത്തിലാഴ്‌ത്തുന്നത് മറ്റൊരു കാര്യമാണ്.

ചിത്രത്തിൽ ദിലീപിന്റെ നായികയായെത്തുന്നത് മലയാളത്തിലെ മുൻനിര നായികമാരിൽ ഒരാളാണ്. ദിലീപിനൊപ്പം ആദ്യമായി അനുസിത്താര ഒന്നിക്കുകയാണ്. ചിത്രത്തിന്റെ ഷൂട്ടിംഗ് മാർച്ചിൽ ആരംഭിക്കും. ചിത്രത്തിൽ വൻ താരനിരതന്നെ ഉണ്ടായിരിക്കും എന്നാണ് പുറത്തുവരുന്ന റിപ്പോർട്ടുകൾ.