പാന്‍ ഇന്ത്യ സ്റ്റാര്‍ തമന്നയും റാഷി ഖന്നയും പ്രധാന വേഷങ്ങളില്‍ എത്തിയ തമിഴ് ബ്ലോക്ക്ബസ്റ്റര്‍ 'അരണ്‍മനൈ 4' വന്‍ വിജയമായി മാറിക്കഴിഞ്ഞു. ഇപ്പോഴിതാ സിനിമയുടെ ഹിന്ദി പതിപ്പ് റിലീസിന് ഒരുങ്ങുകയാണ്.മെയ് 31 ന് റിലീസ് ചെയ്യാന്‍ തീരുമാനിച്ചിരിക്കുന്ന സിനിമയുടെ പ്രമോഷന്‍ തിരക്കിലാണ് തമന്ന.നിര്‍മ്മാതാക്കള്‍ ചിത്രത്തിന്റെ ഹിന്ദിയില്‍ ട്രെയിലര്‍ കഴിഞ്ഞദിവസം പുറത്തിറക്കിയിരുന്നു. ഇപ്പോഴത്തെ സിനിമയുടെ പ്രചാരണാര്‍ത്ഥം തമന്ന നടത്തിയ ഫോട്ടോ ഷൂട്ടാണ് സോഷ്യല്‍ മീഡിയയില്‍ വൈറലാകുന്നത്.
വസ്ത്രം: ഹൗസ് ഓഫ് മസാബ
സ്‌റ്റൈലിസ്റ്റ്: ലീപാക്ഷി എല്ലവാടി
അസിസ്റ്റന്റ് സ്‌റ്റൈലിസ്റ്റ്: അനുസ്‌ക ഗുപ്തഹര്‍ ലാല്‍ക്കയും തിസിസര്‍ പിതായും
സംവിധായകനായ സുന്ദര്‍ സി തന്നെയാണ് പ്രധാന കഥാപാത്രത്തെ അവതരിപ്പിച്ചത്. തമന്നയും റാഷി ഖന്നയും ആയിരുന്നു നായികമാര്‍.സന്തോഷ് പ്രതാപ്, രാമചന്ദ്ര രാജു, കോവൈ സരള, യോഗി ബാബു, കെ എസ് രവികുമാര്‍, ജയപ്രകാശ്, വിടിവി ഗണേഷ്, ഡല്‍ഹി ഗണേഷ്, രാജേന്ദ്രന്‍, സിംഗംപുലി എന്നിവരാണ് മറ്റ് പ്രധാന കഥാപാത്രങ്ങളെ അവതരിപ്പിച്ചത്.അരണ്‍മനൈ ( 2014) , അരണ്‍മനൈ 2 (2016) , അരണ്‍മനൈ 3 (2021) തുടങ്ങിയ സിനിമകള്‍ സംവിധാനം ചെയ്ത് അഭിനയിച്ചത് സുന്ദര്‍ സിയാണ്.
