ലൈംഗിക ആരോപണത്തെ തുടര്‍ന്ന് നടന്‍ സിദ്ദിഖ് 'അമ്മ'യുടെ ജനറല്‍ സെക്രട്ടറി സ്ഥാനം ഒഴിഞ്ഞ സാഹചര്യത്തില്‍ പുതിയ ജനറല്‍ സെക്രട്ടറിയെ കണ്ടെത്താനുള്ള എക്‌സിക്യൂട്ടീവ് യോഗം നാളെ. സിദ്ദിഖ് ഒഴിഞ്ഞ സാഹചര്യത്തില്‍ ജോയിന്റ് സെക്രട്ടറി ബാബുരാജിനാണ് താല്‍ക്കാലിക ചുമതല നല്‍കിയിട്ടുള്ളത്. നാളെ കൊച്ചിയില്‍ ചേരുന്ന എക്‌സിക്യൂട്ടീവ് യോഗത്തില്‍ സംഘടനയുടെ പ്രസിഡന്റ് മോഹന്‍ലാല്‍ പങ്കെടുക്കും. പുതിയ ജനറല്‍ സെക്രട്ടറിയെ തീരുമാനിക്കുകയാണ് എക്‌സിക്യൂട്ടീവ് യോഗത്തിന്റെ പ്രധാന അജണ്ട. ഹേമ കമ്മിറ്റി റിപ്പോര്‍ട്ടും ചര്‍ച്ചയാകും.
