അതേസമയം, സംഘടനയിലേക്ക് ദിലീപ് തിരികെയെത്തുന്നതിനോട് അദ്ദേഹത്തിന്റെ ആരാധകർക്ക് വലിയ താൽപ്പര്യമില്ല. ഇറക്കിവിട്ട വീട്ടിലേക്ക് ഇനിയൊരു തിരിച്ചുവരവില്ലെന്ന തീരുമാനത്തിലാണ് ദിലീപെന്നും സൂചനയുണ്ട്. ഏതായാലും തിരികെ അമ്മയിലേക്ക് വരാതിരിക്കുന്നതാണ് ദിലീപ് ആരാധകർക്കിഷ്ടമെന്ന് വ്യക്തം.
നടി ഊർമിള ഉണ്ണിയാണു ദിലീപിനെ തിരിച്ചെടുക്കണമെന്ന ആവശ്യം ഉന്നയിച്ചത്. ദിലീപിനെതിരെ ഉയർന്ന ആരോപണങ്ങളുടെ അടിസ്ഥാനത്തിൽ അദ്ദേഹത്തെ പുറത്താക്കിയത് ശരിയായില്ലെന്നായിരുന്നു ഇവരുടെ പക്ഷം. അതേസമയം, ദിലീപിനെ തിരിച്ചെടുക്കുന്നതുമായി ബന്ധപ്പെട്ട് ആർക്കും എതിരഭിപ്രായം ഉണ്ടായതുമില്ല.
