Amala Paul: ബാലിയില്‍ അവധിക്കാലം ആഘോഷിക്കുകയാണ് നടി അമല പോള്‍. ഇന്‍സ്റ്റഗ്രാമിലൂടെ അവധിക്കാല ആഘോഷത്തിന്റെ വീഡിയോയും ചിത്രങ്ങളും താരം പങ്കുവെച്ചിട്ടുണ്ട്. വെള്ള ബ്രാലെറ്റും നീല ഷോര്‍ട്സും വെള്ള ലോങ് ഷ്രഗ്ഗുമാണ് അമലയുടെ വേഷം. ബീച്ച്, പൂള്‍പാര്‍ട്ടി വീഡിയോകളാണ് താരം പങ്കുവെച്ചിരിക്കുന്നത്. എല്ലാ വീഡിയോയിലും അതീവ ഹോട്ടായാണ് താരത്തെ കാണുന്നത്.
ഭര്‍ത്താവ് ജഗത്തിനും മകന്‍ ഇലൈയ്ക്കും ഒപ്പമാണ് അമല അവധി ആഘോഷിക്കാന്‍ ബാലിയിലെത്തിയത്. 'നല്ല നിമിഷങ്ങള്‍, മികച്ച സംഗീതം, എനിക്ക് പ്രിയപ്പെട്ട സുന്ദരമായ ബീച്ചും' എന്ന ക്യാപ്ഷനോടെയാണ് അമല അവധിക്കാല ആഘോഷത്തിന്റെ വീഡിയോ പങ്കുവെച്ചിരിക്കുന്നത്.
അതേസമയം താരത്തിന്റെ വസ്ത്രധാരണത്തെ വിമര്‍ശിച്ച് ഇന്‍സ്റ്റഗ്രാമില്‍ ധാരാളം സദാചാരവാദികളും എത്തിയിട്ടുണ്ട്. 'ഒരു കുട്ടിയുടെ അമ്മയല്ലേ' 'ഇതൊക്കെയാണ് നാട്ടുകാരെ കാണിക്കുന്നത്' 'ശരീരം കാണിച്ചാണോ പോപ്പുലര്‍ ആകാന്‍ നോക്കുന്നത്' തുടങ്ങി ഒട്ടേറെ കമന്റുകളാണ് സദാചാരവാദികള്‍ പോസ്റ്റിനു അടിയില്‍ രേഖപ്പെടുത്തിയിരിക്കുന്നത്. അമലയുടെ ആത്മവിശ്വാസത്തേയും എനര്‍ജിയേയും പുകഴ്ത്തി നൂറുകണക്കിനു ആളുകള്‍ പോസിറ്റീവ് കമന്റുകളും രേഖപ്പെടുത്തിയിട്ടുണ്ട്.
